മുക്കം ഓർഫനേജ് ഗേൾസ് സ്കൂളിൽ ലോക ഭക്ഷ്യ ദിനത്തിന്റെ ഭാഗമായി സംഘടിപ്പിച്ച നാടൻ ഭക്ഷ്യ മേള വൈവിധ്യമാർന്ന നാനൂറിൽ പരം വിഭവങ്ങൾ കൊണ്ടു ശ്രദ്ധേയമായി.പന, ഈന്ത് പൊടികൾ കൊണ്ടുള്ള പലഹാരങ്ങൾ,വിവിധ ഇനം അപ്പത്തരങ്ങൾ,കിഴങ്ങു വർഗ വിഭവങ്ങൾ, പായസങ്ങൾ, ചമ്മന്തികൾ, പുട്ടുകൾ,ക്ഷീണമകറ്റാ നും ആരോഗ്യത്തിനും മുൻ തലമുറ ഉപയോഗിച്ചിരുന്ന പാനീയങ്ങൾ തുടങ്ങി രുചികളുടെ മേളം വിദ്യാർത്ഥികൾക്കും അധ്യാപകർക്കും നവ്യാനുഭവമായി. മുക്കം പ്രസ് ഫോറം പ്രസിഡന്റ് എ. പി മുരളീധരൻ മാസ്റ്റർ നാടൻ ഭക്ഷ്യ മേള ഉദ്ഘാടനം ചെയ്തു . പ്രധാന അധ്യാപകൻ പി.അബ്ദു അധ്യക്ഷത വഹിച്ചു. മുക്കം കൃഷി അസിസ്റ്റന്റ് ഓഫീസർ കൃഷ്ണജ അമ്പലവയൽ, വി.സുബ്രഹ്മണ്യൻ, വഹാബ് കളരിക്കൽ, സുഹ്റ ബീവി, ഖദീജ കൊളപ്പുറം,എ. എം.നിസാർ ഹസ്സൻ,പി.കെ ഇസ്മയിൽ മാസ്റ്റർ ടി. നതീജ,തുടങ്ങിയവർ സംസാരിച്ചു. ടി. റിയാസ് സ്വാഗതവും കെ.ശാമില നന്ദിയും പറഞ്ഞു.